هالمرهـ كلامكــ غير ..!!!

[size=24]هالمره كلامك غير و جيتك غير ..
حتى شعورك ما هو بالأولاني ..
أتمتم بحرفين وتسرح بتفكير ..
كنه على راسك وزان المباني ..
يعني تغيب بلا سبايب وتبرير ..
و إذا رجعت .. ألقاك إنسان ثاني !!




من غيرك تعال قل وش حصل خير ..
و شفيك صاير في طباعك أناني ..
لا يكون جالك في غيابك مسايير ..
ترى العواذل يقلبون المعاني ..
تحروا بسكينهم طيحت بعير ..
يا لله دخيلك من عواذل زماني ..
لا شك كلي يطلبك .. للأسف مير !!



تاهت بواخر حبنا فالمواني ..
وين الذي يتعب على شاني السير ..
وين الذي من شوقي أجيه عاني ..
وين الذي أليا ضحك ودي أطير ..
وين الذي لدموعه تدمع عياني ..
إن كان لي في خاطرك أي تقدير ..
ترجع على خبري يا بو قلب حاني ..
تعال و شوف أشواقنا جت طوابير ..
و تسمع لحبٍ دعاك و دعاني ..
طلبتك اترك هواجيسك ولا تحير ..
عطني همومك وأبتسم لو عشاني ..
توسد متون ألي يحبك على خير ..
يهداك ربي ويا عساه يهداني .. [/size]