~®§§][][ شــ ع ـــر فــي كــــل قــبــــــائــــــل الـــسـعــــوديـــة.... ][][§§®~

[size=24]يا لله يـا خـــالـق أراضـــين و بحــــار .. الواحـد المعـبـود رازق عبـيـدهـ


الخــــالق الغــــــفار عـلام الأســــــرار .. وفرق شعـوب الأرض فـي كـل ديرهـ


وأبدأ و أسولف من عذيبات الأشعار .. أبيات شعـر والمعانـي وكيـدهـ


أشري و أبـيع وأعــرف كيـــف بختار .. وأختار من جزل البيـوت الفريدهـ


وذكر تراث وعز و أمــجاد و أفـــخار .. قبائـل تومـن بديـن وعقيدهـ


وصلت حضارتنا على ســـطح الأقمار .. آبنـا الجزر والجزيرة مجيـدهـ


فـــي ظل حكـــام لهم فـــعل وأشـــوار .. آل السعـود اللـي تفـكـ الضهيـدهـ


نسل الزعيم الحاكم الـــــعـادل البــــار .. مجـدد أمجاد الجزيرة بجيـدهـ


حتى أصبحت حرة وحنا له أنصـــــار .. في ظل أخو نورة هنـوف سعيدهـ


وصارت لأبو تركي بطولة وتـــــذكار .. والفخر و الأمجاد تبقـى شهيدهـ


وخلف لنا أملوكـ لهم فعل وأخــــــبار .. الشعب واحـد والقيادة رشيدهـ


والأمن بانينه على ساس وجـــــــدار .. وقرّو على العابـث عقوبة شديدهـ


وحنا حــــماة الدار مـــن كل غــــدار .. ومـا همنـا بطشـه وخبثـه وكيـدهـ


قـــــبائل ما لـــــحقنا هــــم أوعــــــار .. وعشنـا بهـذهـ الـدار عيشـة رغيدهـ


والحمد لله نحمدهـ ســـــر و أجــــهار .. شعـب تكاتـف مـن سنيـن مديدهـ


ودون الوطن جيش على كل معـــبار .. لأرفرف البيـرق ونادي عقيدهـ


بشرق البلاد وغربها دوم حــــــضار .. وأرض الشمال اللي نفـودهـ مديدهـ


أرض الجنوب اللي تخيضر بالأشجار .. جزيرة فيهـا القبايـل عديدهـ


أرض بها قحطان وأفين الأشــــــــبار .. ويا عـز منهـم بالشدايـد بسيـدهـ


وأذكر عتيبة يوم للطــــــــــيب مغوار .. لا ثـارت الهيجـا وقـرب ضديـدهـ


وشمر هل الطـــــولات والجود مقدار .. أهل الكرم وأهل الفعول الحميدهـ


قوم أعنزهـ مروين الأخصام الأمرار .. أولاد وآيــل من عصـور عهيـدهـ


ومطير قوم تكرم الضيـــف لا زار .. ويا ويل خصم في حراهـم وعيـدهـ


وأذكر قبيلة حرب يا نعم الأخـــــيار .. وتاريخهـم يحكـي سطـور مجيـدهـ


و سبيع نعم القوم ووجيه الأســفار .. زبن الدخيل ليا زبـن مـن طريدهـ


وأذكر قبيلة يـام والطيــــب ينــــدار .. أهل العلـوم الوافية والرشيدهـ


ثم الدواسر تجعل الخصم منهــــــار .. عيـال زايـد عـز منهـم سنيـدهـ


ثم السهول اللي لها الطـــيب مدرار .. وعن منهج العادات ماهـي محيـدهـ


ثم أذكر العجمان حمايـة الجــــــــار .. و المرجلـة والجـاهـ فيهـم عتيدهـ


وأذكر بني مرهـ طويـــــلين الأعمار .. مـا ينقـد المـري ولا لـه نقيـدهـ


ثم الهواجـــــر لابــــة تقـــدح النار .. أهل الركـاب اللـي خطاهـا بعيـدهـ


وأذكر بني خــالد قبـــــيلة وأمــــار .. قوم لهـم فـي المجـد قـول ورصيـدهـ


وبني تميم اللي لها الطيب مصـدار .. بنـي تميـم وكـل فعـل تجيـدهـ


ثم الزعوب اللي بها الخـصم يحتار .. شجعـان ما ترضـى سـوا ما تريـدهـ


العازمي وافي وفي الطــــيب بيطار .. روحه على كـل المصاعـب صميـدهـ


ثم الظفيري في المصاعيب جــــبار .. والطيب والأمـداح بأصله وطيدهـ


ثم أذكر الأشراف بــــــجلال وإكبار .. أهل الحجاز اللـي تفـكـ الزهيدهـ


ثم الهذيلي له مـــــــواقف و مندار .. راعي الفخر راعـي العلـوم السديدهـ


ثم البقوم اللي لهم جيـــش وآمهار .. ريف الضيـوف ليـا لفاهـم وليـدهـ


وأذكر ثقيف اللي لهم مجد وآثـــار .. ومهما حسبنـا مـن كـلام نعيـدهـ


وبلحارث أهل العز بشـهود وإقرار .. الحارثي يا طيـب فعلـه وجيـدهـ


والمالكي معروف لا صار ما صار .. في موقف أهل الطيب يبذل جهيدهـ


وأثني تحياتي عدد وبل الأمــــطار .. علـى سليـم وكـل خصـم تكيـدهـ


وأذكر جهينة أهل مـــــــواقف وأدوار .. تلقى الجهيني راسم الطيـب بيـدهـ


أذكر بلي و المجدلة فعل و إظـــــهار .. وتاريخهـم يحكـي فعـول فريدهـ


بني عطية في المواجيب حــــــضــار .. قـوم بوقـت الجـد قـوم عنيـدهـ


ثم الحويطي والكرامة له أشــــــــعار .. ثـم الشـراري لـه فعـول مفيدهـ


ثم الرشيدي في الصـــعيبات صـــبار .. على علـوم الطيـب فعلـه يزيـدهـ


وباقي جنوب الدار والقاف مــــا دار .. باقي على قلبـي كـلام وأشيدهـ


زهران نعم القوم في وقت الإضــرار .. والخصم عينه من لقاهـا سهيـدهـ


و الغامدي معروف له عزم وإصـرار .. راعي المراجـل والعلـوم المفيدهـ


وشمران قوم و الجمايل لها أطـــوار .. و بلقـرن سـم للقلـوب النكيـدهـ


والأكلبي والمحلفـي ما بـــــــعـد بـار .. و الحارثـي طيبـة وفعلـه يشيـدهـ


وبني شهر وبني عمر ســـــيف بتار .. قـوم علـى الأخصـام نـار وقيـدهـ


والأسمري و الأحمري صيتهم سار .. بيـن القبايـل والمواقـف شهيدهـ


وأذكر عسير الهول ذربين الأذكـــار .. وأبها أحتموها فالسنيـن الشديدهـ


وأدهم والصيعر على حد الأقـــــطار .. يحمون حد الدار من اللـي يريـدهـ


وأمشي مع الساحل مع جملة أفـكار .. رسمتهـا والطيـر زان تغريدهـ


وأنزل على جيزان تــــاريخ وأديـار .. ورجـال فيفـا والقبايـل عديدهـ


أرجوا العذر وأهل المــواجيب عذار .. اللي نسيته ما نذكر فـي القصيدهـ


الواهبي عـــدد أبيوتــــه بــــالأدوار .. مـن شاعـر ما شـل قلبـه حقيـدهـ


شهران ربعي هم هل المدح والـكار .. و أهل الكند و أهل السيوف الجديدهـ


يوم البلد ما يامن الزند لا ثــــــــار .. عزيز ومنـا ابـن مشيـط نعـم الوليدهـ


فالجهل شجعان وفي الســــلم تجار .. مـن بطـن بيشـهللتهـم لا رفيـدهـ


حبيت أبين موقفي بين شعّـــــــــار .. وأرجوا سموحتكـم علـى ذا النشيـدهـ


ما حب أنافق و أتعنصر تعــنصار .. ولا ني بأطيع أهل العقـول البليدهـ


ما كل من طب البحر قيل بحـــــار .. وما كل من شل الفشق جاب صيـدهـ


فالشعر بستـان بـه ورد وأزهـــار .. واللـي تعداهـا بيوتـه فقيـدهـ!


وأقولها في الشعر تكرار وأمـرار .. [ضرف بـلا عنـوان يلغـى بريـدهـ ]


بعض السوالف مواقف ومحضار .. وشعر بـلا معنـى لـزوم نبيـدهـ


صلوا على الرسول شفـاع الإبرار .. محمـد الهـادي وقـدوة عبيـدهـ




وووووهــ بسسسسس

وأأأأأفديت السعووووووودية وكل قبايلهآآآآآآآآآآآآآآ

أتمنى تحوووز على رضاااااااااااكم ياالغوالــي [/size]